ایمام خیاوانین بیر یاناکی اولماقینین ضرری 21 آذرگونونه تورنیبدیر- دیلنچی

 يئيگون(جمعه) ۱ آذر ۱٣٨۷ - ۲۱ نوامبر ۲۰۰٨

بسم الله الرحمن الرحیم

 کاش بو ایش بیرده دوغولمیه:

سالام حورمتلی گونئی میللتی،اومودوم واردیر کی همشه پارلاق قالاسیز.

ایسدیردیم کی سیزه تبریز شهریندن بیر ماجرا یازام کی بو ایش دورغودان کچمیش زامانلاردا یارانیبدی،کاش بیرده بو ایش دوغولمیه:

چوخ زامانلار قاباق بیر ظالیم حکمران تبریز شهرینده حکومت ادیردی. بو ظالیم حکمران کیمسیه قاباقیندا دوروردی ازیردی و حتی بالاجا اوتلارادا یریکلییب کسیب یاندیریب و کوکوندن بیچیردی.

بیر گون گوردی بو ظالیم حکمران کی داها بیر شخص قالماییب قارشیسیندا ، او بیر فیکیرلشدی وددی کی دارقاشاییتلاریدا من سچجم و بیر دارقاشاییت بو شهره سچدی کی اودا اوز عسگرلریندنیدی وآدی سانی بولگده یوخیدی ، یانلیز یاخشی باش اوسده دیینیدی . بو دارقاشاییت نچه واقتیدان سونرا گوردیکی خالق بیرلشیبلر و اوز حاقیلارینی اورنیب و بیلیبلر،گلدی سوکاکلاری آییردی وبیر یاننان میلته یول قویدی کی سیز گلین بوردان گدین و اوبیری طرفدن ،جاوان آتلاری باقلادی فایطونلارا و هامییه ددی کی شهرین بو باشیندان او باشیناجان بونا خاطیر کی سیزین واقتیزا من ارزیش وررم و منیم اوزومون ایندیه جان واقتیم شهریده چوخ یانیب ، سیز مینین بو فایطونلارا و موفته گدیب گلین و بو ایشی عادیل حکمرانا باقلادی وددیکی سیز هاممیز گرککی اونا ساغول دییسیز و اونون الین سیخاسیز. خالق بونی بیلمیر دیکی ایندیه تک بو دارقاشاییت آت سیز و فایطون سیز قالمییب وآیاقیالیین وباشماقلی سوکاکلارا گتمییبدی .

بیر چاغ کچنن سونرا دارقاشاییت ددیکی : چونکی آتلارا یمک تاپیلمیر، گرک سیزلر  آتلارا میننده، اوجوز و چوخ آز پارا ورسیز تاکی آتلار آجیننان اولمسینلر و بو ایش سیزین اوزوزدن اوتوردورکی ایسدیده و سویوقدا یرده قالمیه سیز .

خالقدا ایناندیلار کی دارقاشاییتین اورگی بو آتلارا و خالقینین اوشویوب وقیزیشماسینا ، یانیر و چوخ یاخشی آدامدیر و نازیک اورک ونازیک قابیقدیر . هاممی آتلارا مینیردی و پارا وریردی .

هر کسکی کچیردی آتلارین یولونا   

 اولوردی یا آسیلیردی بویونا 

هردنده باشی اوزولوردی سویولا     

گوزلری باشینین تکینن اویولا

هامی اورندی او یولا گتمسین        

 تاکی آخیرت اوینه گتمسین

بیر گون آییقلار سوکاکا چیخدیلار

نه منه ، واریدی یولدا ییخدیلار

گلدیلر شهرین اورتاسینا

توکموشدیلر داشلاری تورباسینا

کیمسیه یوخیدی آتلارین یولوندا

آتیردیلار داشلاری گوژ وار قولوندا

بیردن آتلیلار توکولدولر گلدیلر

خالق هچ بیلمدی هاردان گلدیلر

آسدیلار کسدیلر بیچدیلر

داش آتانی آتمیینی سچدیلر 

اولدوروردولر توتوردولار ییخیردولار

خنجری چیغاردیب ووروردولار

هابلأ دارقاشاییت سویقیریمی بو شهریده توردیب و اوز وافادارلیقین ظالیم حکمرانا گوسدردی و اونان کوللی میقداردا قیزیل و گوموش آلدی و ایر بیرده خالق حاققین ایسدسیدی ، و اعتیراض ادیب  ، آیاقا قالخیب ، سوکاکلارا چیخسیدی  ، تز ایکینی سایینجان عسگرلری و حاق اولدورنلری اورا توکردی و چالیشماقی اوردا بوغاردی.

 بونو یاددان چیغارتمیشدی کی بیر مزدور او چاغاجان دیری دیرکی اونلارا یاردیم ادیر و ایر یاردیم اتمسه و دیرسیز اولسا  ، اونون تزلیکده دیشلرین چکجاقلار.

ایندی بیزم بیرینجیلر شهریمیزده ینه ده تاریخ دوغولوبدور وایسدییرلر کی ینه بو اوتورماز خالقی آیاقدان سالیب و یره ییخسینلار.

 بو فیکیر کی  BRT یا هامان اتوبوس نقلیسین نن یاردیم آلماق بو شهریده و آذربایجاندا یارانا ، بو تازا دارقاشاییت گلنن سونرا،تورنیبدی و بو ایش یانلیز و یانلیز تبریز شهرین ، امنیتین قوروماق اوچون قوشولوبدی و هچ دییری شهریمیز و خالقیمیزا یوخدیر.

بو ایشین دیرینن بیر دوغرو آمار الده یوخدو،سوزلر دییلیر کی بوایش 38 میلیارد تومن خش گوتوروبدی و ترافیکی آزاتماقدان اوتوردی و یانلیز اتوبوسلار بو یولدا گلیب وگدیللر.

بو ایشیده تبریز بلدیه سی گوربیرردیکی خیاوانا دمیردن دووارچکمیه و یانلیز ساری رنگینن ، بیر خطینن ،خیاوانی آییرا و بیر دیر سیز پارینن بو ایشی باشا یتیریدی . 

اما بوایش نه تنها ترافیکی آرادان گوتورمییب ، بلکه ترافیکی شهرین اورتاسینا یوللاییب کی هامان چای قیراقینا ، و هابلا اونی ایکی قات آرتیریبدیر.

بو ایش تبریز شهرینین اصلی خیابانین بیر یاناکی ادیبدیر ، بیر کس کی ایسدیر گده دروازادان سات قاباقینا گرککی یا چای قیراقیننان گدیب و شهری دولانسین یا دا کی گدیب و اتوبوسا مینیب و اوز یرینه چاتسین.

حتی بو یولدا نچه اینسان دا هلاک اولوبدیر و اوز آخیرت اوینه کوچوبدور.

سون سوزوم بوندادیرکی بو ایش یانلیز شهری قوروماقدان اوتوردور و بیر کس میلتین گدیش وگلیشینن کی نجور میلت گدیب وگلجاقدیر ایشی یوخدور و اولمایاجاقدیر . بونلار نه خالقین جانینا ارزیش وریبلر و نه اونلارین خشلندوقی بیت المال پارالارینا دیر وریبلر . همشه نجور اوزلری ایسدییبلر و کیفلری چکیب ، پارالاری اوتلاییب و اوز هدفلرینه چاتیبلار.

اما بونی بیلمیللر کی داها پیچاق دیرنیبدیر سوموگه و بو شوونیزمین پتگی توکولوب سویا ومیلت تانریمین یاردیمینن ،آتا بابالار دییبلرکی: آچاجاغیخ ساندیخی-توکجاغیخ پانبیخی

بو شوونیزم بیلسین کی یئنی آذربایجان تورنیبدیر و ایسدییرکی اوزو ، اوز آیاقینین اوستونده دورسون و اوز ایگیتلرینن و اصلان باجیلارینان اوز اوزه یاشاسین و قاریسین.

او گونون اومودونن میلیونلار آرواد و کیشی یاشاییر و 21 آذر گونی کی آذربایجانین اوز خالقین ، ایران آپارتایدی (پهلوی جاللادلار) شهادته یتیردی و بنده چکدی ، هامی بیرلوقدا چیغیریب و هارای هارای من تورکمی ، ینه ده اوجادان فارس آپارتایدین باشینا ووروب و اونلارین شوشه دن جورلنن سارایلارین سیندیریب و اوز آیاقلارینین آلتیندا اوغاجاقدیلار و آزادلیق ماهنیسین دیلرده ینیدن دوغولوب ، اوجادان اوخیه جاقدیلار.

 دیلنچی 21 NOV 2008