فارس حاکيمييتي نين اويونو- تبريزلي باي بک 
اورتاگون(پنج‌شنبه) ٦ فروردين ۱٣٨٨ - ٢٦ مارس ۲۰۰۹ 

تورکلرين بيرليک قورولتايينا اعتيراض، کوردلرين بيرليک قورولتايينا دستک!     

سون زامانلاردا سؤزده دونيا کوردلري-نين قورولتايي باره ده سؤزلر و گؤروشلر آرتماقدادير. بو قورولتايين گلن آي، و يا مي آييندا عراق-دا کئچيريله جگي پلانلاشماقدادير. 

نئچه ايل اؤنجه دونيا آذربايجانليلاري نين بيرليک قورولتايي، د.ا.ک قورولتايي باکي-دا کئچيريلنده، ايران آدلانان اؤلکه ده فارس حاکيمييتي ال-آياغا دوشوب و قوزئي آذربايجان حاکيمييتينه شانتاژ، تهديد و روشوت وئرمگه باشلادي. 

د.ا.ک (دونيا آذربايجانليلاري کونقرئسي) ايللردير کي دئموکراتيک يول ايله توم آذربايجانليلارين هاقلاريني قوروماغا چاليشان، غئيري نيظامي قورومدور. 

قارشي طرفده، ترور ايله مشغول اولان، ايللردير جينايت ايشله ين و هر يئرده، چئشيتلي اؤلکه لرده، محض تورکلره سالديران کورد قوروملاري، عراق-دا بيرليک قورولتايي کئچيرمگي پلانلاييرلار. 

سؤزده ايران آدلانان اؤلکه نين فارس شووينيست حاکيمييتي، ايللردير کورد تروريسمي ايله اوزده ساواش آپاريب، آنجاق آرخادا اونلارا يارديمجي اولوب و کوردلري تورکيه و آذربايجانا قارشي شيشيرتمکله مشقول اولموشدور. بو ايشلرده يالنيز بير فاکت واردير، اودا بودور کي تورکلره قارشي بير جبهه  ياراتماقدير. 

آنجاق ايران آدلانان اؤلکه نين باشچيلاري، کوردلرين، کي تاريخين هئچ بير دؤنمينده ميلت و دئولت اولاراق آدلاري اولماميشدير، آرخاسيندا دوروب، تورک تورپاغلاريندا اونلارا هاق آخدارماغا چاليشيرلار، آما تاريخ ياشيندا اولان آذربايجان تورکلرينه، و توم تورک دونياسينا اؤز دوغما تورپاغلاريندا هاق تانيميرلار! 

نئجه اولور کي تروچو قوروملارين بيرليگي دئموکراتيک قارشيلانير، آما دئموکرات قوروملارين بيرليگي سرت و داغيتيجي قارشيلانير؟ 

بو ايکي ستاندارتلي داورانيشلارين عاميلي اولان فارس شووونيستلري، رسمن تورک دوشمانچيليقلارينا دايير فاکتلار سونورلار. مع السف تورکيه و قوزئي آذربايجان حاکيمييتلري بو اويونلارا اؤنم وئرمه دن، فارس شووونيستلري ايله ايش بيرليگي آپارماقدالار. 

تورکيه نين سؤزده سياسي پارتيياسي کوردلرين بيرليک قورولتايينا گئتمه گه حاضيرلاشير، ايران آدلانان اؤلکه ده چاليشان و ياشايان کورد فعاللار عراقدا ياپيلاجاق اولان قورولتايا گئتمگه حاضيرلاشيرلار، ايران آدلانان اؤلکه نين حاکيمييتي نوماينده لري بو قورولتايا قاتيلماغا حاضيرلاشيرلار، قوزئي آذربايجانا کؤچن ترورچو کوردلرين باشچيلاريندان سؤزو گئدن قورولتايا قاتيلماغا حاضيرلاشيرلار! ندن؟ 

ناتو ايران آدلانان اؤلکه ايله دانيشيقلارينا باشلاييب! آمئريکا باشخاني ايران آدلانان اؤلکه يه مکتوب يازير! اروپا ايران آدلانان اؤلکه ايله موعاميله لريني آرتير! و.س 

کوردلره قورولتاي حاضيرلايانلار، کئچميشده گورجولره، ائرمنيلره، يهوديلره و.س کيمي قوروملارادا قورولتاي ياپميشلار! مع السف، او قورولتايلارين ايکيسي نين سونوندا، تورک تورپاغيندا ياد دئولتچيليک ياراديليبدير! يوخسا گئنه ده دؤزوب و کوردلرينده دئولتچيليگي نين، بيزيم تورپاغيميزدا قورولماسينا شاهيد اولاجاييق؟  

تورکلر هاردالار؟ 

تورک قالماغ اوچون، اؤنجه تورک اولماغ لازيمدير 

تبريزلي باي بک 

۲۵/۰۳/۲۰۰۹

کرويدون