آللاه اؤلدوق خوشلیقدان ... /  آذ تورک

جانیم پاتلادیق یئییب ، ایشمک دن ، او قدر اوجوزلوق دور ، کی بیلمیرسیز. یاغ ، قند ، دویو ، چورک ... بول بول ، موفته سینه (بئداوا) یئمک دن اؤلدوک.

هله بیلمیرسیز ، او زامان دان کی نفت سوفرامیزا گه لیب ، بیر آز ایشتاهامیز کوسوب ، جانیم بوتون چورک لر نفت اییی وئریر. داها چورک ده یئمک اولمور. (پرئزیدنت قارا ماحمید سؤز وئرمیش اگر جمهور باشقانی اولسا ، نفتی سوفرالارا گه تیرسین)

من بیلمیره م بو آمریکالی لار ، کانادالی لار ، اوسترالیا لی لار و باشقالاری ، ندن اؤز ننلکت لرینده چتین لیک چکیب و آژ قارینا گئجه نی گوندوز ائدیرلر ، گؤتوروب گلسین لر ایرانا . یئییب ایشمک دن پاتلاسینلار.

هانسی پیشرفته مملکت ده ، دولت حیمایت اولونان اینسانلارا ، آی دا ، ایگیرمی بئش مین تومن اوجرتسیز پارا وئریلیر. (ایگیرمی بئش مین هاااااا...)

بو پولو خرج له مه سن ، نئچه ایله قدر کیفایت ائدر.

بیلمیرسیز کی بو پولو گئجه گوندوز خرج ائیله سز ، بیتمز کی . ایگیرمی بئش مین تومن ، آز پول دئگیل. بیلیرسیز بو پارا ایلا نه قدر دویو آلماق اولار؟! (دویونون کیلوسو دؤرد مین تومن) باغیشلایین بونو یازمییاجایدیم ، دئییبلر دئیین دویونون کیلوسو مین تومن و یا بئش یوز تومن دیر. بیلمیرسیز بیزیم عورضه لی دولتیمیز بو دویو مسئله سینده نه لر کی ائیله مه دی؟!

تیلویزیوندان گلیب اعلام ائتدیلر : «دویو دؤرد مین اولسا آلمایین ...» من ده بو سؤزه دایاناراق دویو آلا بیلمه دیم. یازیق بالاجا قیزیم گئجه دئدی: «بابا دونن گئجه یوخودا گؤردوم دویو پیشیرمیشیک و یئییریک» من بو سؤزو ائشیدن ده دونیا باشیمدا اوینادی.

آللاه آللاه من یئنه بئله سؤزلر یازدیم هاااا.... !!

یوخ جانیم ائله دئدیغیم کیمین یئییب ایشمک دن آز قالیب پاتلییاق.

باهالیق ، کاسیب چیلیق ، یوخسوللوق ، ایشسیزلیق و بونلارا بنزر کلمه لر ، ایران دا خاریجی ویجودلاری یوخدور. اولسایدی مسئول لار بیر فیکیر ائدردیلر دا. بونلاری کی ایمام زامان تایید ائدیب (جناب جنتی یئددینجی ایسلامی مجلیسین اؤیه لرینی ایمام زامان طرفیندن اونایلانان اینسانلار تانیتدیرمیش و پرئزیدنته اولان ایرادتی کی دانیلماز شکیلده چیغیریر) و حتمن دوزگون آدام دیرلار. گؤروسوز مملکت ده هئچ بیر سررون یوخدور.

توررم دئییرلر یوز ده ایگیرمی دیر ، سیز یازین یوزمین ده ایگیرمی دیر ، او زامان گؤره ر سیز ، بوتون باشقا مملکت لرین وضعی ایران دان خاراب دیر و بیزیم وضع چوخ چوخ یاخشی دیر.

آللاه بو قارا ماحمیدی (باغیشلایین دئمیشلر یازیم دوکتور محمود احمدی نژاد) بیزه چوخ گؤرمه سین ، بو گلن دن دونیا بیز ایله دوز دئمیر ، هامی بیزی تحریم ائدیر ، باهالیق چیخیب دیزه ، چورک تاپماق اولمور یئمک اوچون ، آمریکا اژزون حاضیرلاییر ایرانی توپراق لا بیر ائیله سین و .... بونلار هامی سی یاخشی بیر ایتتیفاق دیر. بونلار آللاهین سیناق دان گئچیتمه سی دیر. یوخسا بیز ایران جاماعاتی ذاتن آجلیقدان اؤلموشدوک ، بو قارا ماحمید گلن دن یالنیز دردیمیز دئشیلیب و اوزه گلیب.

سیز بیلمیرسیز کی آللاه بوتون ایش لرین یاتیدیب و یالنیز بیز ایران لی لاری ایمتاهان ائدیر. بیلمیره م ندن باشقا مملکت لری هئچ ایمتاهان ائتمیر . هر حال دا حتمن بیزی چوخ ایستیر اونا گؤره.

ائله بو آللاهین بیزه سئوگیسینه گؤره ده بیزیم مملکته چوخ چوخ یاغینتی یاغیر و قورولوق دا اصلن و ابدن یوخدور.

قدیم کی لر دییه ر دی لر ، اگر آللاه بیر میللت دن راضی اولماسا ، اونلارا نیعمتین وئرمز.

آما سیز ایندیسه گؤرورسوز کی آللاه بیزه بول بول یاغینتی ، نیعمت و ... لرینی بو ماللالار سایاسیندا وئریر. بو ماللا لار اولماسایدی لار ، بیز آجیمیزدان اؤله جه یدیک. بونلارین سایاسیندا همی بو دونیامیز تضمین اولوب همی او دونیامیز. (بو دونیادا قارا گونوموز ثابیت اولوب ، او دونیایا دا داها اینانج قالماییب)

هر حالدا بیزیم هئچ بیر موشکولوموز یوخدور و یاخشیجاسینا عومور گئچیردیریک (زامان الدن وئریب و فورصت لری یاندیریریق) و هئچ بیر شیکوائیه میز ده یوخدور آما بیلمیره م بو (عصر ایران) سایتینین سوروملو مودورو ندن بیر پارا یازیلار ایلا میللتی یولدان چیخاردیر.

یازی نین آردیندا بو سیته نین بیر سیرا یازیلارین درج ائدیریک. اوخویون .

آما سن آللاه یولدان چیخمییاسیز هااا....!!!!

http://azturk.blogfa.com/post-21.aspx