ستارخانین مزاری اؤنونده قارشی دورما باش وئریب
آذربایجانلیلارلا ایران پولیسی توققوشدو
اؤیرنجی نیوز: www.oyrenci.com
يئيگون(جمعه) ٢٤ آبان ١٣٨٧ - ١٤ نوامبر ٢٠٠٨
اؤیرنجی نیوز: ایراندا
اؤتن عصرین اوللرینده باش توتان مشروطه حرکاتینین لیدئری ستارخانین
وفاتینین 94-جو ایلی ایله باغلی آنیم مراسیمینه توپلاشان
آذربایجانلیلارلا بو اؤلکهنین حقوق-محافظه اورگانلارینین امکداشلاری
آراسیندا قارشیدورما یارانیب. ایرانداکی منبعلردن وئریلن معلوماتا گؤره،
نویابرین 13-ده تئهرانین شاه عبدوالعظیم زیارتگاهیندا کئچیریلن آنیم
مراسیمینه توپلاشان آذربایجانلیلاردان تدبیرین داغیلماسی طلب اولونوب.
مراسیمی انگللهمک اوچون بوتون واسطهلردن ایستیفاده ائدن حقوق-محافظه
اورگانلارینین امکداشلاری تدبیره قاتیلماق ایستهین آذربایجانلیلاری
مزارلیغا چاتماغا ایمکان وئرمهییبلر. تدبیره گلن آذربایجانلیلار
مزارلیغین یاخینلیغیندا اوتوبوس و دیگر نقلیات واسطهلرینه میندیریلهرک
مجبوری شکیلده اراضیدن اوزاقلاشدیریلیبلار. ستارخانین مزاری اوزرینه
توپلاشان ضیالیلار و آذربایجانلیلارین حقوقلاری اوغروندا حرکاتین
فعاللاری ایسه پولیس طرفیندن هوجوما معروض قالیبلار. بیر قیسیم مراسیم
ایشتیراکچیسی، او جملهدن ده میللی فعاللار عبدالله عباسی جاوان، حسین
حسینی، فیروز حسینپور ایران اینفورماسیا ناظرلیگینین (اطلاعات)
امکداشلاری طرفیندن حبس ائدیلیبلر. اونلارین تئهرانداکی "ائوین"
حبسخاناسینا آپاریلدیغی بیلدیریلیر. حبس اولونانلاردان بعضیلری آخشام
ساعاتلاریندا سربست بوراخیلسالاردا، اونلارا مخصوص موبایل تئلئفونلار
قایتاریلماییب.
قاینار
|
نویسنده: aydin azad
informasiya nazirliyi sehv yazidir. tehlukesizlik nazirliyi yaxshidir mence. sag olun
|
|
نویسنده: ELSHEN
YASH AZERBAYCAN,YASH SETTAR XAN
|
نظر دهید