عراق-ین  کرکوک شهرینده رسمي بينالارا تورکجه تابلو آسیلدي  

    يئيگون(جمعه) ٦ دی ۱٣٨۷ - ٢٦ دسامبر ۲۰۰٨

اؤیرنجی: کرکوکده کوردجه و عربجه دن سونرا تورکمنجه نين ده رسمي ديل اولاراق قبول ائديلمه سييله علاقه دار تشکيل ائديلن مراسيم، شهرين باريش ايچينده اورتاق رهبرلييه دوغرو کئچيشينه گوج وئردي. 

  کرکوک والیلیگی ايله ائل مجليسينه تورکمن طرفيندن تابلولار آسيلماسي، تورکمنجه نين رسمي اولاراق تطبیق اولونماغا باشلاماسي نين ايلک آدديمي اولدو.  

  بئله ليکله تورکمن وطنداشلار اوزون ايللر سونرا آنا ديللريني رسمي ستاتويه داشيميش اولدولار.  

  سی.ان.ان- ین یایینلادیغی خبره گؤره، عيراق کونستيتوسيياسي نين 4ونجو مادده سي نين 4ونجو لطيفه سينه گؤره تورکمنلرين و خريستيانلارين آنا ديللري نين ده رسمي اولاراق قبول ائديلمه حاقي واردي.  

  تورکمنجه نين يانيندا آسوريجه ده رسمي ديل ستاتوسو قازاندي. آسوريجه تابلولار دا مراسيمده والیلیگ و ائل مجليس بينالارينا يئرلشديريلدي.  

  کرکوک والیسی عبدالرحمان موصطافا و ائل مجليسيندن چوخ سايدا تورکمن، کورد و عرب عوضوون ايشتيراکييلا تشکيل ائديلن مراسيمده، اوزرينده  " کرکوک والیلیگی "  يازان تابلو والیلیگ بيناسينا يئرلشديريلدي.  

  موصطافا،  " بو مراسيمده ائتديکلريميز کرکوکده دؤرد ديل اولدوغونا شاهيدليک ائتمکده دير. کرکوک خالقي نين مقصدي اورتاق بير شکيلده چاليشاراق پروبلئملري حلل ائتمک و داها گؤزل بير حيات ياشاماقدير "  دئدي.  

  کرکوک ائل مجليسي باشچيسي ريزگار علي ده بوتون قروپلارلا اورتاق شکيلده بير شکيلده داها يوکسک سويييه لره چيخماغي هدفله ديکلريني سؤيليه رک   " آنا ديل قانونو تطبیق ائدن ايلک ويلايت کرکوک اولدو "  شکلينده دانيشدي.  

  کرکوک ائل مجليسي نين تورکمن عوضولري علي مهدي و حسن توران اوزون ايللردير شهرده اولان تورکمنلرين طبيعي حاقلاريني قازانديقلارينا ديقت چکديلر.  

  حاقلاريني الده ائتمه نين بير باشلانغيج اولدوغونو وورغولايان مئهدي، اورتاق رهبرليک سعي لرينه وورغو ائتدي.  

  عراق رئسپوبليکا باشچيسي جلال طالباني نين ده اؤز دوشونجه لرينه ياخينلاشديغيني يازان مهدي،  " او دا حلين اورتاق رهبرليکده اولدوغو قناعتينه واردي "  دئدي. توران ايسه، عوثمانلي دؤوروندن سونرا تورکمنلرين آنا ديليندن محروم قالديغيني ايفاده ائتدي.